Gwasanaethau llyfrgell

Cynigiwn WiFi am ddim ym mhob u​​n o'n llyfrgelloedd, heblaw am Dongwynlais. ​

Gallwch hefyd ddefnyddio cyfrifiadur cyhoeddus am ddim yn y lleoliadau hyn.

Mae ein cyfrifiaduron yn cynnig:

• mynediad i'r rhyngrwyd, a
  
• rhaglenni Microsoft Office.
  
  

Gallwch archebu amser ar gyfrifiadur hyd at 8 diwrnod ymlaen llaw. Bydd angen i chi fewngofnodi gyda'ch rhif cerdyn llyfrgell a'ch PIN. 

Gallwch hefyd ddefnyddio ein hargraffwyr cyhoeddus.  Gweld y rhestr lawn o ffioedd llyfrgell a thaliadau am gost fesul dalen.

Rydym hefyd yn cynnig argraffu WiFi ym mhob un o'n llyfrgelloedd, ac eithrio Tongwynlais.  Gan ddefnyddio'r swyddogaeth 'argraffu dogfen' ar ein system archebu, gallwch anfon 

dogfen at argraffydd llyfrgell o unrhyw le.

Os ydych chi'n aelod o lyfrgelloedd Caerdydd gallwch fenthyg eLyfrau digidol ac eLyfrau Llafar o gysur eich cartref 24 awr y dydd. Gweler mwy o fanylion o dan 'Adnoddau electronig'.

Gallwch hefyd fenthyg deunyddiau llafar o'n holl lyfrgelloedd ar CD. Os nad yw'r teitl rydych ei eisiau gennym yn eich llyfrgell leol, efallai y gallwch ei roi ar ​gadw mewn llyfrgell arall a gofyn iddo gael ei anfon i'ch cangen leol i'w gasglu.  

Mae archebu deunydd llafar yn rhad ac am ddim. I gael gwybod pa deitlau sydd gennym a sut i'w cadw, ewch i'n catalog ar-lein neu ewch i'ch cangen leol. 

Gweler ein tudalen dirwyon a thaliadau llyfrgell am fanylion.  ​

Os oes anabledd gweledol gennych gallwch fenthyg deunyddiau llafar yn rhad ac am ddim. Mae hyn hefyd yn berthnasol i'r rhai sydd ag anableddau print fel dyslecsia.

Gallwch fenthyg eLyfrau ac eLyfrau Llafar, papurau newydd a chylchgronau gan:

• BorrowBox,
  
• Libby gan OverDrive, a
  
• PressReader.
  

Gallwch ddefnyddio'r gwasanaethau hyn ar y rhan fwyaf o ddyfeisiau, ond nid yw Amazon Kindle yn gweithio.

​I bori, benthyg a chadw llyfrau bydd angen rhif eich cerdyn llyfrgell a'ch PIN arnoch. Os ydych chi wedi anghofio'ch PIN, cysylltwch â ni.

Dylech gynnwys rhif eich cerdyn llyfrgell os ydych chi'n ei wybod.  

BorrowBox​​

Mae BorrowBox yn ei gwneud hi'n hawdd pori, benthyg a darllen eLyfrau ac eLyfrau Llafar y llyfrgell. Erbyn hyn mae BorrowBox ePress hefyd yn cynnig detholiad eang o bapurau 

newydd y DU, gan gynnwys teitlau poblogaidd sy'n lleol i Gymru.  ​ 

Libby​ gan OverDrive

Mae Libby, gan OverDrive, yn ap am ddim sy'n eich galluogi i fenthyg eLyfrau, eLyfrau Llafar, comics a chylchgronau o'r llyfrgell.

Gallwch gadw neu lawrlwytho hyd at 16 o eLyfrau, eLyfrau Llafar a chylchgronau am ddim drwy Libby. Gallwch fenthyg llyfrau am hyd at 21 diwrnod.

Os ydych chi'n defnyddio ffôn clyfar neu lechen, gallwch lawrlwytho'r ap Libby gan OverDrive o Siop Apiau Apple neu Siop Google Play.

Os ydych chi'n defnyddio cyfrifiadur neu liniadur gallwch fynd i wefan OverDrive. Gallwch:

• ddarllen cylchgronau ac eLyfrau yn eich porwr, 
• lawrlwytho eLyfrau ar ffurf EPUB gan ddefnyddio Adobe Digital Editions, 
• wrando ar eLyfrau Llafar yn eich porwr, neu 
• eu lawrlwytho fel ffeil MP3. 
  

PressReader​​

Gallwch gael gafael ar bapurau newydd a chylchgronau digidol drwy PressReader.

Os ydych chi'n defnyddio ffôn clyfar neu lechen, gallwch lawrlwytho'r ap Press Reader o Siop Apiau Apple neu Siop Google Play​​​.

Os ydych chi'n defnyddio cyfrifiadur neu liniadur gallwch fynd i wefan PressReader.

Gallwch hefyd gael gafael ar bapurau newydd PressReader drwy ddefnyddio'r tab 'extras' ar yr ap Libby,​​​ gan OverDriv​e. Nid yw cylchgronau PressReader ar gael drwy'r ap Libby.

eGyfeirio

Gallwch fanteisio ar amrywiaeth o adnoddau cyfeirio eraill ar-lein drwy gatalog y llyfrgell​​.​​​

Mae'r deunyddiau eGyfeirio sydd ar gael yn cynnwys:

• IELTS,
  
• Papurau newydd hanesyddol trwy Gale Primary Resources a'r British Newspaper Archive,
• Archif Papurau Newydd Digidol y Times, a
• Bywyd yn y DU: Ffordd Prydain o Fyw​.
  

Os ydych chi'n defnyddio'r rhain o gartref neu drwy ddefnyddio eich cyfrifiadur eich hun, efallai y bydd angen i chi fewngofnodi gan ddefnyddio rhif eich cerdyn l​lyfrgell a'ch PIN. 

​Dim ond o un o gyfrifiaduron yr Hybiau a'r l​​lyfrgelloedd y gellir defnyddio'r adnoddau canlynol:  

• Find My Past
• Ancestry.com - Fersiwn Llyfrgell​ 
  

Gallwch ddod o hyd i wybodaeth ar wefan yr Hybiau​ am eich llyfrgell neu Hyb lleol, ac edrych am ystafelloedd cymunedol neu gyfleusterau cyfarfod sydd ar gael i’w llogi.​​​​​

Os ydych chi'n aelod o grŵp darllen, yn chwilio am un yn eich ardal leol neu'n ystyried sefydlu un hyd yn oed, dyma beth allwn ni 'neud i chi:

• eich helpu i ddod o hyd i grŵp darllen sy'n cwrdd ar adeg ac mewn lle sy'n gyfleus i chi,
  
• hysbysebu eich grŵp i aelodau newydd,
  
• argymell llyfrau gwych i chi eu darllen,
  
• rhoi hyd at 15 copi o'r un llyfr i chi, y gallwch eu cadw am hyd at 6 wythnos, a
  
• cynnig llwyth o weithgareddau hwyl drwy gydol y flwyddyn.
   

Am fwy o fanylion gofynnwch yn eich Hyb neu lyfrgell leol. 

Ar ôl cyfweliad cychwynnol i nodi'r anghenion a'ch chwaeth ddarllen, gallwch:

• naill ai rhoi rhestr o lyfrau yr hoffech eu darllen i'r gyrrwr, neu 
• gael llyfrau wedi eu dewis ar eich cyfer gan ein llyfrgellydd profiadol a gwybodus.  
  
  

Os oes gennych fynediad i'r rhyngrwyd, gallwch archebu eich hoff lyfrau a'u cael wedi eu hanfon atoch c​yn gynted ag y byddan nhw ar gael.  

Mae'r gwasanaeth hwn yn rhad ac am ddim ac ar waith ledled Caerdydd. 

Dim ond hyn a hyn o adnoddau sydd ar gael ac mae yna restr aros weithiau.

​​Os na allwch gyrchu Gwasanaethau Llyfrgell yn bersonol, cysylltwch â Gwasanaeth Danfoniadau Cartref y Llyfrgell Allgymorth.

Ffôn: 029 2087 1333 

E-bost: LlyfrgellAllgymorth@caerdydd.gov.uk​. ​

Mae Llyfrgell Genedlaethol Cymru yn cynnig amrywiaeth eang o adnoddau electronig, o gylchgronau ysgolheigaidd i wyddoniaduron a phapurau newydd. 

Gallwch gofrestru i:

• Gael tocyn darllenwyr cyn ymweld â Llyfrgell Genedlaethol Cymru, a
• Chael mynediad o bell i adnoddau electronig y Llyfrgell cyn belled â'ch bod yn byw yng Nghymru.

Gan fod y gwasanaeth hwn yn cael ei ariannu gan Lywodraeth Cymru, ni allwch gofrestru heb gyfeiriad cartref yng Nghymru.